Ալավերդի քաղաքի կենտրոնից դեպի Սանահին կայարան կոչվող ծայրամասը գնացող արահետը իրականում քաղաքային զբոսանքի հիանալի հնարավորություն է։ Քայլքի 4.3 կիլոմետրի ընթացքում կարող եք ծանոթանալ 1920-1980-ականների կառուցված արդյունաբերական քաղաքի բավական լավ պահպանված միջավայրին։ Քայլքը սկսվում է քաղաքի կենտրոնում գտնվող Սանահինի միջնադարյան կամուրջի մոտից՝ ձգվելով կենտրոնական ճանապարհի ողջ երկայնքով։ Այս քայլքը հատկապես կտպավորի քաղաքաշինությամբ, լքված տարածքների, խորհրդային և արդիության շրջանի տարբեր ճարտարապետական ուղղություններով հետաքրքրված մարդկանց։ 

Քայլելիս կարող եք մի փոքր շեղվել՝ զննելով քաղաքի տարբեր թաղամասերի մշակութային, արդյունաբերական, հասարակական և բնակելի կառույցները։ Սանահինի կամուրջի դիմաց է գտնվում պղնձաձուլարանի այժմ լքված համալիրը, որի շուրջ էլ ձևավորել է քաղաքը տասնամյակների ընթացքում։ Ալավերդիում կարող եք ծանոթանալ ստալինյան շրջանի, մոդեռնիստական, արտ-նուվոյի, հայկական նեո-կլասսիկ և բրուտալիզմի ոճերին պատկանող շինությունների։ Չնայած այս տարբեր ոճերին, Ալավերդին ունի իր ուրույն դիմագիծը որպես քաղաքաշինական միավոր, իր վառ արտահայտված արդյունաբերական անցյալով և գոթական խորհրդավոր տրամադրությամբ։ 

Քաղաքով քայլելիս կարող եք տեսնել մի քանի մթերային խանութներ, ջրի աղբյուրներ և սրճարաններ։ Արահետի վերջում կհասնեք Սանահին կայարան թաղամասին, որին հանդիպակած՝ մայրուղու մյուս կողմում, կտեսնեք ցուցանակները որոնք ձեզ կտանեն դեպի Սեդվու վանք և Հագվի գյուղեր։ 

Ջրի աղբյուրներ/տեղեկություններ.
Քաղաքի մի քանի հատվածներում կտեսնեք խմելու ցայտաղբյուրներ և աղբյուր-հուշարձաններ։