Ապարանի ջրամբարի շուրջ այս արահետը հրաշալի ընտրություն է, եթե ցանկանում եք ոչ երկար և գեղեցիկ արշավ ունենալ։

Ջրամբարի ափով բարձրանալով, կհայտնվեք 1965-ին լքված Հին Զովունի գյուղի մոտ: Եթե ուշադիր լինեք, ապա կտեսնեք սուրբ Վարդան Մամիկոնյանի դամբարանը, ով 451թ․  Սասանյան Պարսկաստանի դեմ  Ավարայրի ճակատամարտում հայոց բանակի հրամանատարն է եղել։ Պատերազմի արդյունքում  պարսիկները ստիպված եղան հրաժարվել հայերին կրոնափոխ անելու գաղափարից: 

Այստեղից ճանապարհը կշարունակվի սոճու անտառով, որ ձեզ  հետ կտանի դեպի ջրմաբար։ Արահետի երկրորդ հատվածում ձեզ սպասվում են ֆանտաստիկ տեսարաններ՝ Արագած լեռան գագթները և հեռվում երևացող ջրամբարը։
Արագածոտնի մարզում այս ոչ բարդ, 3․5 կմ արշավը հիասքանչ տարբերակ է բոլոր եղանակներին։ Ձմռանը կարող եք օգտագործել ձնագնացներ և կունենք մի փոքր «սառը», բայց զվարճալի արշավ։

Արշավը կարելի է սկսել Երևանին մոտ գտնվող Ջրամբար գյուղից, կամ Եղիպատրուշ գյուղից։ Ջրամբար գյուղից արահետը սկսելու համար,  դուք պիտի մեքենայով անցնեք ամբարտակի վրայով` առանց կանգ առնելու: Սակայն այնտեղ վերահսկողություն են իրացկանցնում և հնարավոր է, որ երբեմն թույլ չտան ամբարտակի վրայով անցնել (նույնիսկ ոտքով): Այդ իսկ պատճառով ունենք նաև 2-րդ տարբերկակը։