Աղավնավանքից դեպի Ձորավանք տանող արահետը 3,8 կմ է։ Այս  երթուղին կարևոր է որպես անցումնային հատված Տավուշի և Գեղարքունիքի մարզերի միջև։ Հեշտ ու կարճ երթուղին սկսվում է Աղավնավանքի ներսի հիմնական խաչմերուկից, որտեղ կան հյուրատներ ու մթերային խանութ։ Այստեղից կքայլեք դեպի հիմնական՝ Գոշ-Ճամբարակ մայրուղի, որի կողքով հոսում է Գետիկ վտակը։ Գետը անցնելուց հետո երթուղին առանց մեծ վերելքների կանցնի թփուտների միջով։ Մի քանի կետում արահետը կհատվի հողածածկ մեքենայի ճանապարհներին։ 

Գետը և մայրուղին այս արահետի ընթացքում կլինեն ձեր տեսանելիության դաշտում։ Ձորավանք գյուղը նույնպես տեղակաված է գետի հովտում՝ ավտոճանապարհի կողքին։ Արահետը կավարտվի Ձորավանք գյուղի մեջ։ Այստեղից կսկսվի արդեն Հայաստանի ազգային արահետի Գեղարքունիքի հատվածը իր տարբերվող բնապատկերներով և կապույտ հորիզոնով։ Ձորավանքից հետո մյուս արահետը շարունակվում է 7,6 կմ դեպի Կալավան գյուղ։