Վերջին տասը տարիներին Հայաստանի արկածային տուրիզմի բնագավառում ակնառու բարեփոխումներ են լինում։ Այժմ ակտիվ ժամանցի համար անհրաժեշտ ենթակառուցվածներ ստեղծելը ոչ միայն զարգանում է մասնավոր ոլորտի միջոցով, այլև առաջնահերթություն ունի պետության կողմից։ Հայաստանի բազմազան քայլարշավային երթուղիներից զատ, այսօր կարող եք նաև պլանավորել ձեր ակտիվ հանգիստը տարատեսակ արկածային փորձառություններով։


Ժայռամագլցում


Հայաստանի լեռնային լանդշաֆտը հիանալի բնության անկյուններ ունի ժայռամագլցումների համար։ Անգամ Երևանում այսօր կգտնեք մարզադահլիճներ մագլցման պատով, որտեղ կարող եք ծանոթանալ այս սպորտաձևին և նախապատրաստվել ավելի վայրի պայմաններում այն փորձառելուն։ Հայաստանում ժայռամագլցման համար հայտնի կետեր են Հրազդանի կիրճը, Նորավանքի կամ Գնիշիկի կիրճը, Դժոխքի ձորը։ 2009 թվականից Հայաստանում անցկացվում են ժայռամագլցման մրցույթներ։

Հիմնական ակումբները, որոնց կարող եք միանալ ժայռամագլցման համար դրանք են․ Up The Rock (էլ․հասցե․ info@uptherocks.com, հեռ․ +374 93 337937) և Armenian Alpine Club (էլ․հասցե․ info@armenianalpineclub.org, հեռ․ +374 93 337937), որոնք երկուսն էլ Հայաստանի լեռնագնացության և լեռնադահուկային ազգային դպրոցի մաս են կազմում։


Կանյոնինգ


Լեռներն ու ձորերը իրենց խիտ ջրային ցանցով լավագույն վայրն են կանյոնինգի համար։ Սա համեմատաբար երիտասարդ ճյուղ է Հայաստանում, որը շատ արագ մեծ ուշադրության արժանացավ։ Կանյոնինգի ժամանակ գետի հոսքի ուղղությամբ մարդիկ բացահայտում են բնության թաքնված անկյունները, պարաններով իջնում են ժայռերով դեպի գետը, համապատասխան գույքով անցնում ջրի միջով, լողում, սահում, մագլցում։ Սա կարող է տևել 2-6 ժամ։ Այժմ Հայաստանում առանձնացված են չորս գոտիներ կանյոնինգի համար, որոնց թվում են հայտնի Սատանի կամուրջը Որոտանի կիրճում և Լիճքի ջրվեժները։ Կանյոնինգով հնարավոր է Հայաստանում զբաղվել տարվա մեջ 8 ամիսների ընթացքում։
Կանյոնինգը մասնագետների հետ ապահով իրականացնելու համար կարող եք կապվել Scream of Soul Team-ի հետ, հեռ․ +374 93 835959, Instagram.com/canyoning_in_Armenia:


Պարանով թռիչք


Ադրենալինով հարուստ այս փորձառությունը Հայաստանի բարձր ժայռերից ու կամուրջներից հնարավոր է իրականացնել թե Երևանի ներսում, թե մարզերում։ Up The Rocks ակումբի կամ Scream of Soul Team-ի հետ կարող եք գտնել և միանալ պարանով թռիչքների միջոցառումներին, որտեղ ձեզ կապահովեն համապատասխան գույքով և կնախապատրաստեն այս անմոռանալի զգացողությանը։
Up The Rock (էլ․հասցե․ info@uptherocks.com, հեռ․ +374 93 337937)։
Scream of Soul Team (հեռ․ +374 93 835959, Instagram.com/canyoning_in_Armenia


Զիփլայն


Զիփլայնը Հայաստանում ամենասիրված արկածային զբաղմունքներից է դարձել վերջին տարիներին։ Այժմ երկրի տարբեր անկյուններում կգտնեք տարբեր երկարությունների զիփլայններ։

Երևանի զիփլայնը անցնում է Դավիթաշենի կամուրջի տակով, այն կարող ենք անվանել քաղաքային թռիչք։ Տվյալները․ հեռ․ +374 43 40 90 90, Instagram.com/yerevan_zipline:

Ծաղկաձորում զիփլայնն անցնում է սարերի ու անտառների միջով՝ բացելով հրաշալի տեսարան դեպի քաղաքը։ Հեռախոսահամար +374 43 292900:

Հայաստանի ամենահայտնի ու առաջին զիփ լայնը կգտնեք Յելլ Էքստրիմ պարկում՝ Ենոքավան գյուղի մոտ։ Մի քանի հատվածից բաղկացած զիփլայնը նաև իրար միացված է քայլարշավային արահետներով, որոնք թույլ են տալիս մի փոքր շունչ քաշել և վայելել շրջակա ժայռոտ ու անտառապատ տեսարանները։ Կապվելու համար․ հեռ․ +374 41 010 030, էլ․հասցե yell@apagaprojects.com, yellextremepark.com

Մեկ այլ փորձառություն է Բյուրականի Զիփ Վայնը՝ իր գինու ուղվածությամբ ռեստորանով և ուղիղ կիրճի վրա ունեցած տեղադրությամբ։ Տվյալներ․ հեռ․ +374 99 479463, zipwine.am


Պարապլանով թռիչք


Եթե մեծ բարձունքների և երկնքի սիրահար եք, ուրեմ պարապլանով թռիչքը անպայման պետք է փորձառեք Հայաստանում։ Այս թռիչքները կարող եք անել հմուտ հրահանգչի հետ միասին, և վայելել Հայաստանի ամենատպավորիչ բնապատկերները արծվի թռիչքի բարձրությունից։ Թռիչքի վայրերը կարող եք ընտրել ինքներդ, կամ, ըստ եղանակային պայմանների, դա կարող է առաջարկել հենց հրահանգիչը։ Թռիչքի համար հարմար տեղանքներ են Սևանալճի լեռները, Եղվարդը, Ապարանը, Ազատի ջրամբարը Երանոսի լեռներով, Դիլիջանի ազգային պարկը, և այլն։
Պրոֆեսսիոնալ ծառայության համար կարող եք կապվել Sky Club-ի հետ․ +374 98 055 119, էլ․հասցե․ info@skyclub.am, skyclub.am:


Օդապարիկով թռիչք


Երևանի կենտրոնում, ինչպես նաև քաղաքի շուրջ գտնվող բարձրադիր կետերից կարող եք հաճախ նկատել տասնյակ գունագեղ օդապարիկներ։ Sky Ball ընկերության միջոցով կարող եք ամրագրել անհատական կամ խմբային թռիչքներ, ինչպես նաև կարող եք նվիրել այս փորձառությունը ձեր մտերիմներին։
Sky Ball-ի տվյալները․ հեռ․ +374 77 324444, skyball.am։


Ռաֆթինգ


Հայաստանի գետերը վայելելու և հիշարժան արկածներ ստեղծելու լացագույն ձևերից է ռաֆթինգը։ Լոռու մարզի Դեբեդ գետը ամենահարմար հոսանքն է ստեղծում տարվա մեջ մի քանի ամիս ռաֆթինգ անելու համար։ Հրահանգիչների հետ միասին, համապատասխան գույքով զինված, Թումանյան քաղաքի դիմացից մի քանի կիլոմետր խմբով կնավարկեք Դեբեդն ի վար։ Սա հրաշալի ժամանց է ինչպես ընտանիքներ ու ընկերների համար, այնպես էլ որպես թիմ-բիլդինգի ձև։
Տվյալներ․ հեռ․ +37494129013, էլ․հասցե․ sales@raftinginarmenia.com, raftinginarmenia.com։


Ջրային սպորտաձևեր


Կայակինգ, վինդսըրֆինգ, կայթսըրֆինգ, վեյքբորդինգ, փեդլինգ, սապբորդինգ և շատ այլ նորաոճ սպորտաձևեր կարող եք փորձառել Սևանալճում, Ազատի ջրամբարում, ինչպես նաև մի քանի գետերում կարող եք կայակ քշել։ Տաք սեզոնին այս սպորտով զբաղվելու համար կարող եք կապվել․

Sky Club․ հեռ․ +374 98 055 119, էլ․հասցե․ info@skyclub.am, skyclub.am:

Armenian Camp․ հեռ․ +374 99 003991, էլ․հասցե․ armeniancamp@gmail.com:

Wishup Shore. հեռ․ +374 43 132002, էլ․հասցե․ wishupshore@gmail.com։

Armenian Geographic. հեռ․ +374 43 005165, www.armgeo․am:

Yerevan Sailing Club. Հեռ․ +37491121095, +37491214812:


Ձմեռային սպորտաձևեր


Դահուկ, չմուշկ, սնոուկայթ և այլ ձմեռային արկածներ կարող եք գտնել Ծաղկաձորում, Աշոցքում, Ջերմուկում և Արագածի լանջերին։ Այս կենտրոնները զինված են անհրաժեշտ ենթակառուցվածքներով և հրահանգիչներով։
Առանձին ակումբներ, որոնք կազմակերպում են տարբեր ձմեռային զբաղմունքներ, կարող եք գտնել ստորև․
Sky Club․ հեռ․ +374 98 055 119, էլ․հասցե․ info@skyclub.am, skyclub.am,
Up The Rock․ հեռ․ +374 93 337937, էլ․հասցե․ info@uptherocks.com,
MyLer. Հեռ․ +374 12 717 717, էլ․ հասցե․ info@myler.am, myler.am


Քարանձավային արշավներ


Հայաստանի բազմաթիվ քարանձավները վերջին տարիներին մեծ հետաքրքրություն են արթնացրել ինչպես տեղացիների, այնպես են օտարերկրացի ճամփորդների շրջանում։ Arm Speleo Team-ի միջոցով կարող եք տեղեկանալ այս ոլորտի զարգացման և առաջիկա ծրագրերի մասին, ինչպես նաև միանալ նրանց կազմակերպած արշավներին (հեռ․ +374 95 597 585, Instagram.com/arm_speleo_team):
Քարանձավային արշավներ կազմակերպում են նաև ԱրմԳեո թիմը (+374 43 005165, www.armgeo․am), և Sky Club-ը (հեռ․ +374 98 055 119, էլ․հասցե․ info@skyclub.am):

Ձիավարություն


Հայաստանի բազմազան լանդշաֆտը ձիարշավների համար հիանալի պայմաններ է ստեղծում։ Ցանկացած մարզում կարող եք գտնել անհատների, ովքեր պատրաստ են ձեզ ուղեկցել իրենց ձիերով բացահայտելու շրջակա արահետները։ Որպես կենտրոն կարող եք դիմել Այրուձի հեծյալ ակումբին, ովքեր նաև Երևանից ոչ հեռու ունեն ձիարշավարան (հեռ․ +374 93 424570, ayrudzy1980@yahoo.com)։ Իսկ հանգստյան գոտիներում կարող եք մասնակցել նաև իրենց կողմից կազմակերպվող ձիարշավներին, ինչպիսիք կան Ենոքավանի Ապագա ռեզորտում (հեռ․ +37460650651, +37477004413, apagaresort.com


Հեծանվային տուռեր


Չնայած դեռևս Հայաստանում չկան հեծանիվների համար նախատեսված առանձին երթևեկության արահետներ, սակայն այս սպորտաձևը նույնպես զարգանում է վերջին տարիներին։ Լոռիում՝ Դեբեդի կիրճի ՔՈԱՖ այցելուների կենտրոնում, Տավուշում՝ Դիլիջանի կենտրոնական այգում, Ենոքավանի Ապագա ռեզորտում, կարող եք վարձակալել հեծանիվներ և շրջագայել այդ շրջանում։ Վանաձորի Boo Mountain Bike-ում կարող եք օգտվել իրենց լեռնային արահետի պուրակից, վարձակալել հեծանիվներ և միանալ նրանց կազմակերպած քաղաքային կամ լեռնային տուրերին (հեռ․ +374 33 808069, boomtbpark@gmail.com, Instagram.com/boomtbpark/
Երևանում տարբեր հեծանվային ակումբներ կազմակերպում են երկարօրյա հեծանվային ծրագրեր, ինչպիսիք են Velo Club-ը (հեռ․ +374 94 454027, velocluberevan@gmail.com, veloclub.am), և Your Bike-ը (հեռ․ +374 94 403902, yourbikearmenia@gmail.com):

Ջիպ տուռեր


Հայաստանի լեռները ոչ միայն քայլարշավների սիրահարների համար են, այլև հարուստ են ջիպերով տուրերի համար բազում ուղղություններով։ Ջերմուկի հանքային գեյզերներ բարձրանալու համար կարող եք քաղաքի սրտում գտնել հսկա ջիպերը, որոնք ձեզ կտանեն դեպի դժվարամատչելի բարձունքներն ու խորը կիրճերը (Սոս Խաչատրյան +374 94 010062):
Sky Club-ի միջոցով կարող եք կազմակերպել Հայաստանի տարբեր ուղղություններով ջիպ տուրեր (հեռ․ +374 98 055 119, էլ․հասցե․ info@skyclub.am), իսկ Ապագա ռեզորտում կարող եք միանալ իրենց կազմակերպած ջիպ տուրերին դեպի մոտակա լեռները (հեռ․ +37460650651, +37477004413, apagaresort.com):
Այսպիսով, այս համապարփակ ցուցակի շնորհիվ կարող եք բացահայտել Հայաստանը արկածային փորձառությունների միջոցով, տեսնել երկիրը տարբեր անկյուններից և ունենալ հիշարժան ու երջանիկ հիշողություններ։
#Գործնական խորհուրդներ