Հյուրատունը իր անունը ստացել է Հին Մարտիրոս գյուղի անունից։ 1980-ականներին Մարտիրոս գյուղի բնակիչները լքեցին գյուղը, 2 կմ հեռավորության վրա նոր գյուղ հիմնեցին և անվանեցին Նոր Մարտիրոս։ Սակայն Գոհարն ու Համլետը մնացին հին գյուղի կենտրոնում՝  իրենց հյուրատանը, որը Համլետի հայրական տունն է՝ կառուցված 1960 թվականին։
Նրանք լավ տիրապետում են տեղի խոհարարական ավանդույթներին, որոնցով մեծ սիրով կիսվում են իրենց հյուրերի հետ։ Ահստեղ նաև կկարողանաք բացահայտել մոտակա լեռներից հավաքված վայրի խոտաբույսերի օգտագործման տարբեր եղանակները։